Feb ۱۷, ۲۰۱۶ ۱۱:۳۲ Asia/Tehran
  • شامی فوج ادلب شہر کی طرف پیش قدمی جاری رکھے ہوئے ہے اور یہ صورت حال ادلب میں دہشت گرد گروہ جبہۃ النصرہ کے لیے بہت خطرناک ہے۔
    شامی فوج ادلب شہر کی طرف پیش قدمی جاری رکھے ہوئے ہے اور یہ صورت حال ادلب میں دہشت گرد گروہ جبہۃ النصرہ کے لیے بہت خطرناک ہے۔

شام کی فوج اور رضاکار فورس نے حلب کے شمال میں کئی علاقوں اور دیہاتوں پر کنٹرول حاصل کر لیا ہے۔

ہمارے نمائندے کی رپورٹ کے مطابق شامی کردوں نے منگل کی رات حلب کے شمال میں واقع تل رفعت شہر پر مکمل کنٹرول حاصل کر لیا ہے۔ اس وقت کرد فورس شہر میں گشت کر رہی ہے اور دھماکہ خیز مواد اور بموں کو ناکارہ بنا رہی ہے۔ صوبہ حلب کے شہر مارع میں دہشت گردوں کی امداد رسانی کی لائنیں شامی کردوں کی فورس کے نشانے پر ہیں اور شامی فوج کے جنگی طیارے بھی ان لائنوں کو مسلسل نشانہ بنا رہے ہیں۔ ان کارروائیوں میں دہشت گردوں کی بہت سی گاڑیاں تباہ ہو گئی ہیں۔

ایک اور خبر کے مطابق شامی فوج صوبہ حلب کے شہر عندان کے قریب پہنچ گئی ہے جبکہ دوسری جانب شامی فوج ادلب شہر کی طرف پیش قدمی جاری رکھے ہوئے ہے اور یہ صورت حال ادلب میں دہشت گرد گروہ جبہۃ النصرہ کے لیے بہت خطرناک ہے۔

گزشتہ رات حلب شہر کے مشرقی حصے میں عوامی رضاکار فورس اور مسلح افراد کے درمیان بھی جھڑپیں ہوئی ہیں۔ یہ جھڑپیں بدستور جاری ہیں اور عوامی رضاکار فورس نے اس علاقے میں مسلح گروہوں کی امداد رسانی کی لائنیں کاٹ دی ہیں۔

ٹیگس