SAHAR

شام میں فوج اور عوامی رضاکار فورس کی کامیابیوں کا سلسلہ جاری ہے۔

مہر نیوز ایجنسی نے شامی ذرائع کے حوالے سے رپورٹ دی ہے کہ جمعے کو دمشق کے مضافاتی علاقے القلمون کی اسٹریٹیجک پہاڑیاں فوج اور عوامی رضاکار فورس کے کنٹرول میں آگئیں ۔

رپورٹ کے مطابق القلمون میں شام کی فوج اور عوامی رضاکار فورس کے مشترکہ آپریشن میں درجنوں تکفیری دہشت گرد ہلاک ہوگئے۔

دوسری طرف دہشت گرد گروہوں کے آپسی تصادم میں بھی بہت سے دہشت گردوں کے مارے جانے کی خبر ہے۔

بتایا گیا ہے کہ شام کے شمال مغربی علاقے ادلب کے مضافات میں دو دہشت گرد گروہوں احرار الشام اور جند الاقصی کے درمیان شدید جھڑپ ہوئی ۔

اس جھڑپ میں دونوں دہشت گرد گروہوں کے بہت سے افراد ہلاک اور زخمی ہوئے ہیں ۔