عراقی فوج کی مسلسل پیشقدمی، 300 دہشت گرد ہلاک
Aug ۲۵, ۲۰۱۷ ۱۲:۰۶ Asia/Tehran
عراقی فورسز کا تلعفر کو تکفیری دہشت گردوں کے ناپاک وجود سے پاک کرنے کے لئے فوجی آپریشن جاری ہے جس میں اب تک 300 وہابی دہشت گرد ہلاک ہوچکے ہیں۔
سومریہ نیوز کی رپورٹ کے مطابق تلعفر موصل سے 65 کلومیٹر دور ہے جس کو آزاد کرانے کے لئے عراقی فوج اور عوامی رضا کار فورسز کا آپریشن جاری ہے یہ شہر داعش کا اہم گڑھ ہے۔
داعش نے 2014 میں اس شہر پر قبضہ کیا تھا ۔ عراقی فورسز نے گزشتہ 5 دنوں کے آپریشن میں 302 تکفیری دہشت گردوں کو ہلاک کیا ہے۔ آج صبح تلعفر میں واقع علاقہ المعلمین بھی داعش کے کنٹرول سے آزاد ہو گیا ہے اور گزشتہ پانچ دنوں کے جاری آپریشن کے دوران داعش کے کنٹرول سے آزاد ہونے والا یہ تیسرا علاقہ ہے۔
