SAHAR

بحران شام کے حل اور اس ملک میں جنگ بند کرانے کے لئے قزاقسان کے دارالحکومت آستانہ میں ساتویں دور کے مذاکرات شروع ہو گئے۔

آستانہ مذاکرات میں حکومت شام اور مخالف گروہوں کے ہمراہ فائربندی کے نگراں ملکوں کی حیثیت سے ایران، ترکی اور روس کے علاوہ اقوام متحدہ کا وفد نیز مبصر ملکوں کی حیثیت سے امریکہ اور اردن کے وفود شامل ہیں۔
آستانہ مذاکرات میں ایرانی وفد کی قیادت نائـب وزیر خارجہ حسین جابری انصاری کر رہے ہیں جبکہ روسی وفد کی قیادت روسی صدر کے خصوصی ایلچی الیگزنڈر لاورنتیف اور ترکی کے وفد کی سربراہی اس ملک کے نائب وزیر خارجہ سدات اونال کر رہے ہیں۔
ان مذاکرات میں حکومت شام کا وفد اقوام متحدہ میں شام کے مستقل مندوب بشار جعفری کی قیادت میں شامل ہوا ہے۔
واضح رہے کہ آستانہ میں چھٹے دور کے مذاکرات گذشتہ سال چودہ اور پندرہ دسمبرکو ہوئے تھے۔