شام میں دھماکہ 25 افراد جاں بحق درجنوں زخمی
Jan ۰۸, ۲۰۱۸ ۱۲:۴۴ Asia/Tehran
شام میں تکفیری گروہ اور ان کے حامی اپنی شکست کا بدلہ اس ملک کے نہتے عوام سے لینے کیلئے بم دھماکے کروا رہے ہیں۔
المیادین کی رپورٹ کے مطابق شمالی شام کے شہر ادلب کے الثلاثین نامی شاہراہ پر ایک کار بم دھماکے میں کم ازکم 25 افراد جاں بحق اور درجنوں زخمی ہوگئے ہیں۔ جاں بحق اور زخمی ہونے والے عام شہری ہیں۔ جبکہ اسکای نیوز کی رپورٹ کے مطابق اس دھماکے میں 30 افراد جاں بحق ہوئے ہیں۔
ابھی تک کسی تنظیم یا گروہ نے دھماکے کی ذمہ داری قبول نہیں کی ہے۔ واضح رہے کہ شام کے صوبہ ادلب میں شامی فوج کی تکفیری دہشت گردوں کے خلاف آپریشن پوری کامیابی کے ساتھ جاری ہے اور شامی فوج نے اس صوبہ میں کئی دیہاتوں کو دہشت گردوں کے ناپاک وجود سے پاک کردیا ہے۔
