افغانستان میں ہیلی کاپٹرتباہ، 5 غیر ملکی زخمی
Mar ۰۵, ۲۰۱۸ ۰۸:۲۶ Asia/Tehran
افغانستان میں ہیلی کاپٹر گرنے کے واقعے میں زخمی ہونے والے تمام افراد کے بارے میں معلوم ہوا ہے کہ وہ غیر ملکی ہیں۔
افغان دارالحکومت کابل میں ایک ہیلی کاپٹر گرنے سے پانچ افرادزخمی ہوگئے۔ افغانستان کی وزارت خارجہ کے ترجمان دولت وزیری کا کہنا ہے کہ ہیلی کاپٹر پرواز کے فورا بعد ہی گر گیا۔
افغان سرکاری ذرائع کا کہنا ہے کہ واقع اتوار کی سہ پہر پیش آیا جب ایک ہیلی کاپٹر کابل کی ملٹری اکیڈمی کے اندر گر گیا اور اس میں موجود پانچ غیر ملکی زخمی ہوگئے، البتہ انکی قومیت نہیں بتائی گئی ۔
ہیلی کاپٹر گرنے کی مزید تفصیلات سامنے نہیں آئیں۔
