افغانستان میں رواں برس مسلح واقعات میں 2 لاکھ شہری بے گھر
Sep ۰۶, ۲۰۱۸ ۰۹:۴۴ Asia/Tehran
اقوام متحدہ نے اپنی رپورٹ میں انکشاف کیا ہے کہ رواں برس افغانستان میں مسلح تنازعات کے سبب 2 لاکھ سے زائد شہری بے گھر ہوئے ہیں۔
بین الاقوامی میڈیا کے مطابق اقوام متحدہ کے کوارڈینیشن دفتر برائے انسانی معاملات (UNOCHA) کی رپورٹ کے مطابق رواں برس یکم جنوری سے 2 ستمبر تک کل 2 لاکھ 6 ہزار افغان شہری اپنے گھر بار چھوڑنے پر مجبور ہوئے۔
یہ تعداد ایک ماہ قبل سامنے آنے والے اعداد وشمار کے مقابلے میں 44 ہزار زائد ہے۔ ان میں 30 ہزار وہ افغان شہری بھی شامل ہیں جو صوبہ غزنی میں اگست کے وسط میں ہونے والی لڑائی کی وجہ سے عارضی طور پر بے گھر ہوئے۔
