افغانستان میں صدارتی انتخابات کے لئے پولنگ
Sep ۲۸, ۲۰۱۹ ۰۷:۲۶ Asia/Tehran
افغانستان میں صدارتی انتخابات کیلئے آج پولنگ ہو رہی ہے۔
افغانستان میں صدارتی انتخابات کے لیے آج ووٹنگ مقامی وقت کے مطابق صبح 7بجے سے سہ پہر 3بجے تک جاری رہے گی۔
افغان صدارتی الیکشن میں صدر اشرف غنی، چیف ایگزیکٹو عبداللّٰہ عبداللّٰہ اور گلبدین حکمت یار سمیت 18امیدوار مدمقابل ہیں۔
الیکشن کمیشن کے مطابق 96 لاکھ افراد ووٹ ڈالنے کے اہل ہیں، ملک بھر میں 5ہزار 373 پولنگ اسٹیشنز بنائے گئے ہیں جن میں سے 445 پولنگ اسٹیشنز سیکورٹی وجوہات کی وجہ سے بند رہیں گے۔
ووٹنگ ختم ہونے کے بعد انتخابات کے حتمی نتائج نہیں صرف ووٹرز کی تعداد بتائی جائے گی، انتخابی عمل کی حفاظت کے لیے ایک لاکھ سے زائد سیکورٹی اہلکار تعینات کیے گئے ہیں۔
افغانستان کے صدارتی انتخابات کے موقع پر پاکستان کی حکومت نے طور خم اور چمن کی سرحدی گزرگاہوں کو دو دن کے لیے بند کرنے کا فیصلہ کیا ہے۔
