شامی فوج نے مزید علاقوں کا انتظام سنبھال لیا
Oct ۲۷, ۲۰۱۹ ۱۸:۵۹ Asia/Tehran
شامی فوج ترکی کے قریب واقع شہر راس العین کے مرکزی علاقے کے قریب پہنچ گئی ہے تاکہ عام شہریوں کا تحفظ کیا جاسکے۔
سرکاری خبر رساں ایجنسی سانا کے مطابق شامی فوج نے صوبہ الحسکہ کے مزید سات دیہات کا کنٹرول اپنے ہاتھ میں لے لیا ہے اور اب وہ راس العین شہر کے انتظامی علاقے کی جانب بڑھ رہی ہے۔
رپورٹ کے مطابق شامی فوج کے اس اقدام کا مقصد شامی شہریوں کو ترک فوج کے ممکنہ حملوں سے بچانا ہے۔
شامی فوج جمعے کے روز صوبہ الحسکہ کے شہر ام الکیف میں داخل ہوئی تھی جبکہ اتوار کے روز قامشلی کے مغربی علاقوں میں تعینات ہوگئی ہے جہاں عوام نے فوج کا خیر مقدم کیا ہے۔
