SAHAR

 صہیونی جنرل اسحاق بریک نے حزب اللہ اور ایران کی میزائل طاقت کا اعتراف کرتے ہوئے کہا ہے کہ ان کے میزائل ہی اسرائیل کو جنگ زدہ علاقے میں تبدیل کردیں گے اور انہیں اسرائیل میں داخل ہونے کی کوئی ضرورت نہیں۔ 

مذکورہ صیہونی جنرل کا کہنا تھا کہ انتہائی معتبر ذرائع سے ملنے والی اطلاعات کے مطابق حزب اللہ کے  پاس مختلف سائز کے ایک لاکھ تیس ہزار جبکہ دس ہزار سے زائد، بھاری اور دو مار کرنے والے میزائل موجود ہیں جن میں ایک سے تیس میٹر کے دائرے میں اپنے ہدف کو ٹھیک ٹھیک نشانہ بنانے والے اسمارٹ میزائل بھی شامل ہیں۔ 

اسحاق بریک نے کہا کہ دنیا میں کوئی بھی ایسا ملک نہیں جو اتنی بڑی تعداد میں میزائلوں کا مقابلہ کرسکے۔ 

اس سے پہلے اسرائیل کے چینل تیرا نے بھی اعتراف کیا تھا کہ جنگ کی صورت میں اسرائیل کو انتہائی المناک صورتحال کا سامنا کرنا پڑے گا اور تل ابیب  و حیفا روزانہ سیکڑوں میزائلوں کا نشانہ بنیں گے۔

اس کے نتیجے میں ایئر پورٹ اور بندرگاہیں بند ہوجائیں گی اور صیہونیوں کو فرار کا بھی موقع نہیں ملے گا۔