SAHAR

فلسطین کے انفارمیشن سینٹر کی رپورٹ کے مطابق تحریک حماس کے سربراہ اسماعیل ہنیہ نے کہا کہ فلسطین تمام قوموں کے لئے ایک بنیادی مسئلہ ہے اور سینچری ڈیل نہ صرف بیت المقدس اور فلسطین کے لئے بلکہ پورے علاقے کے لئے خطرہ ہے۔ 

امریکی منصوبے سینچری ڈیل کی بنیاد پر بیت المقدس صیہونی حکومت کے حوالے کردیا جائے گا، دوسرے ممالک میں موجود فلسطینی پناہ گزینوں کو وطن واپس آنے کا حق نہیں ہوگا اور فلسطین صرف غرب اردن اور غرہ پٹی تک محدود ہو کررہ جائے گا۔

اسماعیل ہنیہ نے کہا کہ فلسطینی اپنی سرزمین کی حفاظت کے پابند ہیں اور صیہونی حکومت کو ہرگز تسلیم نہیں کریں گے اور مضبوط عزم و ارادے سے مسجدالاقصی کا دفاع کریں گے۔

حماس کے سربراہ نے تاکید کےساتھ کہا کہ بیت المقدس صیہونی دشمن کے خلاف تنازعہ کی علامت ہے اور اسے مسئلہ فلسطین سے جدا نہیں کیا جاسکتا۔

اسماعیل ہنیہ نے کہا کہ فلسطینی پوری قوت سے بیت المقدس کا دفاع کریں گے اور مسجدالاقصی میں صیہونیوں کے لئے کوئی جگہ نہیں ہوگی کیونکہ یہ مسجدالاقصی اسلامی رہی ہے اور رہے گی۔