وزیرخارجہ ایران: ہم سینٹکام کے اعتراف کے شکرگزارہیں

Mar ۱۰, ۲۰۲۶ ۱۰:۴۱ Asia/Tehran

وزیرخارجہ سید عباس عراقچی نے اپنی تازہ پوسٹ میں لکھا ہے کہ اگر ہمارے میزائل امریکا کے ہمارس (HIMARS) سسٹم چاہے وہ جہاں بھی ہوں، نشانہ بنا کر نابو کردیں تو کسی کو ہم سے شکایت نہیں کرنی چاہئے۔

سحرنیوز/ایران: ارنا کے مطابق سید عراقچی نے منگل دس مارچ کی صبح ایکس پر اپنی پوسٹ میں دہشت گرد امریکی فوج کی مرکزی کمان، سینٹکام کے ایکس پیج کی تصویر شیئر کی ہے جس میں لکھا ہوا ہے کہ " امریکا کا تیز رفتار آرٹلری راکٹ سسٹم HIMARS ایرانی حکومت کے خلاف جنگ میں عمیق حملوں کی بے نظیر صلاحیت کا مظاہرہ کررہے ہیں"
ایران کے وزیر خارجہ نے اپنی اس پوسٹ میں مزید لکھا ہے کہ "ہم امریکی فوج کی مرکزی کمان CENTCOM کے شکرگزار ہیں کہ اس نے ہمارے پڑوسیوں کی قلمرو میں HIMARS سسٹم نصب اور اس سے ہمارے عوام کے خلاف کم دوری تک مارے کرنے والے میزائلوں سے حملہ کرنے کا اعتراف کیا ہے، بظاہر قشم کے پانی میٹھا کرنے کے کارخانے پر اسی سسٹم سے حملہ کیا گیا ہے۔"
سید عباس عراقچی نے لکھا ہے کہ " اگر ہمارے میزائل اس ہمارس (HIMARS) سسٹم کو چاہے وہ جہاں بھی ہوں، جوابی حملہ کرکے تباہ کردیں تو کسی کو ہم سے شکایت نہیں ہونی چاہئے۔"