SAHAR

فلسطین کے خبری ذرائع نے کہا ہے کہ عسقلان میں صیہونی رہائشی والے علاقوں پر جو غزہ کی پٹی کے قریب ہے اسلامی مزاحمتی گروہوں نے 20 راکٹ داغے۔

فلسطین خبر رساں ایجنسی شہاب کی آج رات کی رپورٹ کے مطابق غزہ کی پٹی سے داغے جانے والے 20 راکٹوں میں سے 10 راکٹ صیہونی بستیوں میں گرے۔ مقامی ذرائع کا کہنا ہے کہ مشرقی غزہ کے علاقوں میں دھماکوں کی آوازیں سنی گئیں۔

واضح رہے کہ 6 فروری 2020 کو مقبوضہ بیت المقدس میں کار سوار فلسطینیوں نے اسرائیلی فوجیوں پر اس وقت گآڑی چڑھا دی تھی جب وہ ایک تقریب کے بعد جا رہے تھے۔

ذرائع کا کہنا ہے کہ زخمی ہونے والے اسرائیلی فوجیوں کا تعلق اسرائیل کے جولانی بریگیڈ سے ہے۔ زخمی ہونے والے صیہونی فوجیوں کو ہسپتال میں داخل کیا گیا ہے جہاں ایک فوجی کی حالت تشویشناک بتائی جاتی ہے۔