عراق، الجبانیہ فوجی چھاؤنی سے امریکی دہشتگردوں کا انخلا
Mar ۲۵, ۲۰۲۰ ۰۰:۳۱ Asia/Tehran
ذرائع ابلاغ نے مغربی عراق کے صوبہ الانبار کے الحبانیہ فوجی اڈے سے امریکی فوجیوں کے انخلاء کی خبر دی ہے.
فارس نیوز ایجنسی کی رپورٹ کے مطابق عراق کے صوبہ الانبار کی الجبانیہ فوجی چھاؤنی کے اینٹری گیٹ کے سیکورٹی ٹاور پر تعینات امریکی فوجیوں نے اس چھاؤنی کو خالی کر دیا ہے ۔ اس سے قبل امریکی فوجیوں نے گذشتہ جمعرات کو صوبہ الانبار کے القائم شہر میں اپنے فوجی اڈے کو خالی کر دیا تھا۔
عراقی عوام اور بہت سے حکام عراق سے امریکی فوجیوں کے انخلاء کا مطالبہ کر رہے ہیں۔ ایک اور رپورٹ کے مطابق عراق کی عوامی رضاکار فورس الحشد الشعبی نے صوبہ صلاح الدین میں داعش کے دو سرغنوں سمیت تین دہشتگردوں کو ہلاک کر دیا ہے۔ ہلاک ہونے والے دہشتگرد ایک خود کش کارروائی کی تیاری کر رہے تھے کہ الحشد الشعبی کا نشانہ بن کر ہلاک ہوگئے۔
