صیہونی فوجیوں کے ساتھ جھڑپ، فلسطینی نوجوان شہید
فلسطین کے باخبر ذرائع کا کہنا ہے کہ مقبوضہ فلسطین میں فائرنگ کے ایک واقعے میں ایک فلسطینی نوجوان شہید ہو گیا۔
فارس نیوز ایجنسی کی رپورٹ کے مطابق، ذرائع ابلاغ نے پیر کی رات، مقبوضہ فلسطین میں فائرنگ کی آواز سننے کی اطلاع دی تھی۔
قدس ویب سائٹ نے اس بارے میں رپورٹ دی ہے کہ فائرنگ کی آواز سننے کے بعد صیہونی فوجیوں نے بیت المقدس کے قدیمی علاقے کے راستے کو بند کر دیا۔
صیہونی ذرائع نے بھی اس بارے میں رپورٹ دی ہے کہ فائرنگ کے واقعے میں ایک فوجی زخمی ہوا۔
اسرائیلی میڈیا کا کہنا ہے کہ فائرنگ کے واقعے میں ایک فلسطینی نوجوان زخمی ہوا۔
فلسطینی ذرائع کی رپورٹ کے مطابق ایک فلسطینی نوجوان نے مسجد الاقصی کے باب الحطہ کے پاس صیہونی فوجیوں کے خلاف شہادت پسندانہ کاروائی کی جس کے بعد صیہونی فوجیوں نے اس پر فائرنگ کر دی جس میں مذکورہ نوجوان زخمی ہو گیا۔
اس رپورٹ کے کچھ ہی دیر بعد صیہونی اخبار یدیعوت آحارنوت نے قدس ویب سائٹ کے حوالے سے مذکورہ نوجوان کی شہادت کی رپورٹ دی ہے۔
