افغانستان، کابل یونیورسٹی کے لیکچرار بم دھماکے میں جاں بحق
Feb ۱۸, ۲۰۲۱ ۲۳:۵۵ Asia/Tehran
افغانستان ، رواں ماہ کے دوران میں بم دھماکوں اور ٹارگٹ کلنگ کے مختلف واقعات میں 168 افراد جان سے ہاتھ دھو بیٹھے ہیں ۔
افغانستان پولیس کے مطابق ملک کے دارالحکومت کابل میں نامعلوم افراد کی جانب سے یونیورسٹی کے لیکچرارمبشر مسلم یار کی گاڑی کو ریمورٹ کنٹرول بم کے ذریعے نشانہ بنایا گیا جس کے نتیجے میں وہ جاں بحق ہوگئے جب کہ ان کی گاڑی بھی مکمل تباہ ہوگئی۔
افغان پولیس کے مطابق بم دھماکے میں ایک اور شخص بھی جاں بحق ہوا تاہم اب تک کسی شدت پسند گروپ کی جانب سے دھماکے کی ذمہ داری قبول نہیں کی گئی ہے۔
واضح رہے رواں ماہ افغانستان میں بم دھماکوں اور ٹارگٹ کلنگ کے مختلف واقعات میں اب تک 168 افراد جان کی بازی ہارچکے ہیں جب کہ 172 افراد ان واقعات میں زخمی ہوئے ہیں۔
