سیاسی قیدیوں کی رہائی کے لئے بحرینی عوام کا مظاہرہ
Jul ۲۶, ۲۰۲۱ ۰۹:۱۲ Asia/Tehran
بحرین کے عوام نے اس ملک کے مختلف علاقوں میں ایک بار پھر مظاہرہ کر کے سیاسی قیدیوں کی رہائی کا مطالبہ کیا ہے۔
اللؤلؤه ٹی وی کی رپورٹ کے مطابق مظاہرے کے شرکاء نے آل خلیفہ حکومت کے خلاف نعرے لگائے اور عام شہریوں اور انقلابیوں کے خلاف تشدد اور دشمنانہ اقدامات سے باز رہنے کا مطالبہ کیا۔
مظاہرے کے شرکاء نے سیاسی قیدیوں کی گرفتاری کی مذمت کی اور آل خلیفہ کی جیلوں سے ان کی جلد سے جلد رہائی کا مطالبہ کیا۔
مظاہرے کے شرکاء کا کہنا تھا کہ مطالبات کے حصول تک احتجاج کا سلسلہ جاری رہے گا۔
بحرین میں چودہ فروری دو ہزار چودہ سے ڈکٹیٹر آل خلیفہ حکومت کے خلاف احتجاجی مظاہرے ہو رہے ہیں۔ بحرین پر مسلط موروثی اور ڈکٹیٹر آل خلیفہ حکومت عوامی مطالبات تسلیم کرنے کے بجائے آل سعود کے فوجیوں کی مدد سے مظاہروں کو کچل دیتی ہے اور مظاہرین کو تشدد کا نشانہ بناتی ہے۔