یمن پر جاری سعودی عرب اور اسکے مغربی، عرب اور غیر عرب اتحادیوں کے بہیمانہ حملوں کی مذمت کا سلسلہ جاری ہے۔ قابل توجہ بات یہ کہ یمن کے معاملے میں مغربی و عرب سامراج کے شکار دیگر عرب ممالک کے عوام بھی میدان آ گئے ہیں اور خود مظلوم ہوتے ہوئے بھی اپنے یمنی مظلوم بھائی بہنوں سے غافل نہیں ہوئے اور یہ ثابت کر دیا کہ مظلوم اور ستمدیدہ کو ایک مظلوم اور ستمدیدہ کے درد کا بہتر احساس ہوتا ہے۔ یمنی عوام کی حمایت میں اور سعوی مظالم کی مذمت میں فلسطین اور بحرین کے عوام نے مظاہرے کئے۔