متحدہ عرب امارات نے سویڈن کے سفیر کو طلب کیا
Apr ۲۰, ۲۰۲۲ ۱۲:۳۹ Asia/Tehran
متحدہ عرب امارات نے سویڈن میں مقدس قرآن کریم کی اھانت کے معاملے میں اس ملک سفیر کو وزارت خارجہ میں طلب کیا۔
جمعے کو سویڈن کے مرکزی شہر اریبرو میں انتہا پسند دھڑے کے ایک سیاسی رہنما نے قرآن کریم کو نذر آتش کر کے مسلمانوں کے احساسات کو ٹھیس پہنچائی تھی۔
اسپوتنک نیوز کے مطابق، امارات کی وزارت خارجہ میں بین الاقوامی تعاون کے شعبے کی ڈائرکٹر ریم الہاشمی نے ابو ظہبی میں سویڈن کی سفیر لیزلوٹ اینڈرسن کو وزارت خارجہ میں طلب کیا اور انکے ملک میں قرآن کريم کی ہتک حرمت کے معاملے میں اپنے ملک کی ناراضگی سے باخبر کیا۔
ریم الہاشیم نے لیزلوٹ اینڈرسن سے کہا کہ ان کا ملک کسی بھی دین کے مقدسات کی توہین کے خلاف اور اسے مسترد کرتا ہے۔
امارات کی اس عہدیدار نے دینی نماد اور مقدس مذہبی مقامات کے احترام اور کسی بھی طرح کے اشتعال انگیز اقدام سے دور رہنے پر تاکید کی۔
