الخلیل میں صیہونی فوجی زخمی
مغربی کنارے کے شہر الخلیل میں ایک صیہونی فوجی کے زخمی ہونے کی خبر ہے۔
فلسطینی ذرائع کے مطابق، ایک نامعلوم گاڑی نے، اتوار کے صبح ماعون ٹاون میں ایک صیہونی فوجی کو کچل ڈالا جس کے نتیجے میں وہ شدید زخمی ہوگیا۔
صیہونی فوج نے بھی اس خبر کی تصدیق کرتے ہوئے دعوی کیا ہے کہ مذکورہ اسرائیلی فوجی ٹریفک کے ایک حادثے میں زخمی ہوا ہے اور اسکی حالت تشویش ناک ہے۔
دوسری جانب اطلاعات ہیں کہ صیہونی فوجیوں نے بیت لحم میں فلسطینیوں کے گھروں پر حملے کیے ہیں۔ اسرائیلی فوجیوں نے فلسطینیوں کے گھروں پر آنسو گیس کے گولے پھینکے اور صوتی بموں کا آزادانہ استعمال کیا۔
عینی شاہدین کے مطابق اسرائیل فوج کے بے رحمانہ حملوں میں درجنوں فلسطینی زخمی ہوئے ہیں۔
ادھر المیادین ٹیلی ویژن نے مشرقی بیت لحم میں فلسطینیوں اور صیہونی فوجیوں کے درمیان جھڑپوں کی خبر دی ہے۔
جنوبی مسجدالاقصی میں واقع سلوان ٹاؤن میں بھی صیہونی فوجیوں اور فلسطینیوں کے درمیان جھڑپوں کی خبریں موصول ہوئی ہیں۔
