SAHAR

حضرت امام محمد تقی (ع) کے پدر بزرگوار فرزند نبی حضرت امام رضا علیہ السّلام تھے اور والدہ معظمہ کا نام جناب سبیکہ یا سکینہ علیہا السّلام تھا۔

فرزند رسول حضرت امام محمد تقی علیہ السلام کی المناک شہادت کے غم میں تمام فرزندان اسلام سوگوار و عزادار ہیں۔

فرزند رسول حضرت امام محمد تقی علیہ السلام کی شہادت مورخین نے ذیقعدہ کی آخری تاریخ لکھی ہے۔ چنانچہ آج ایران سمیت پوری دنیا میں آپ کی شہادت کا غم منایا جا رہا ہے- اسی مناسبت سے عراق کے مقدس شہر کاظمین میں کہ جہاں امام محمد تقی علیہ السلام کا روضہ اقدس واقع  ہے، عزاداروں کا ہجوم ہے۔ اسکے علاوہ عراق کے دیگر شہروں اور ساتھ ہی ایران اور دنیا کے مختلف ممالک میں مجالس عزا کا سلسلہ جاری ہے-

حضرت امام محمد تقی علیہ السلام  قبولیت توبہ کی شرطوں کا ذکر کرتے ہوئے فرماتے ہیں:

توبہ قبول ہونے کی چار شرطیں ہیں؛ دل میں احساس ندامت، زبان سے استغفار، گناہ کی تلافی (خدا یا بندے کا اگر کوئی حق ضائع کیا ہے تو اسکو ادا کرے) اور دوبارہ نہ دھرانے کا عزم ۔