SAHAR

شامی فوج نےدرعا کے نواحی علاقوں سے داعش کے زیر استعمال بہت بڑی مقدار میں اسلحہ اور گولہ بارود اپنی تحویل میں لے لیا ہے۔

سحرنیوز/عالم اسلام: شامی میڈیا ذرائع کے مطابق شام کے جنوبی علاقے درعا اور اس کے نواحی علاقوں کو اسلحہ سے پاک کرنے کے آپریشن کے دوران شامی فوج نے داعش کے زیر استعمال بہت بڑی مقدار میں اسلحہ اور گولہ بارود اپنے قبضہ میں لے لیا ہے۔ اس آپریشن میں مقامی لوگوں نے تعاون کرتے ہوئے اسلحہ اور گولہ بارود سیکورٹی فورسز کے حوالے کیا جن میں بندوقیں، توپخانہ، بمب، مارٹر کے علاوہ دوسرا بھاری اسلحہ بھی شامل ہے۔

شامی میڈیا کی رپورٹ کے مطابق شامی فوج آزاد کردہ علاقوں میں شہریوں کی جان و مال کے تحفظ کےلئے داعش کی خفیہ پناہ گاہوں اور دہشت گردوں کے خلاف آپریشن جاری رکھے گی۔