لبنان میں فلسطینیوں کے اسرائیل مخالف مظاہرے
لبنانی کیمپوں میں مقیم فلسطینیوں نے مختلف علاقوں میں مظاہرے کیے اور سعودی عرب کے سفارتخانے کے سامنے اجتماع کر کے غزہ کے باشندوں سے اپنی یکجہتی اور حمایت کا اعلان کیا ہے-
سحر نیوز/ عالم اسلام : بیروت میں واقع صبرا اور شتیلا کیمپوں کے فلسطینیوں نے، اپنے فلسطینی بھائيوں کی حمایت میں مظاہرے کئے ہیں- بیروت میں الملعب البلدی علاقے اور برج البراجنہ کیمپ میں ، شمالی لبنان کے نہر البارد کیمپ میں اسی طرح لبنان کے طرابلس شہر میں واقع البداوی کیمپ میں بھی مظاہرے کئے گئے -فلسطین کے حامی مظاہرین نے بیروت میں سعودی سفارتخانے کے سامنے غاصب اسرائیل کے جرائم کے خلاف احتجاج کیا اور بچوں کی قاتل صیہونی حکومت کی مذمت میں نعرے لگائے-
الخلیل کے شمال میں واقع العروب کیمپ کے ناراض فلسطینی باشندوں نے بھی غزہ میں غاصب صیہونی حکومت کے جرائم کے خلاف وسیع پیمانے پر مظاہرے کئے- لبنانی عوام کی بھی ایک بڑی تعداد نے بیروت میں فرانسیسی سفارتخانے کے سامنے جارح اسرائیل کے خلاف احتجاجی مظاہرہ کیا ہے-
