SAHAR

پاکستان کے آرمی چیف جنرل راحیل شریف نے کہا ہے کہ دہشت گردی بین الاقوامی مسئلہ ہے اور دہشت گردوں کا کوئی ملک اور مذہب نہیں ہوتا ہے۔

ہمارے نمائندے کی رپورٹ کے مطابق پاکستان کے آرمی چیف جنرل راحیل شریف نے پبی میں کاؤنٹر ٹیررازم ٹریننگ سینٹر کا دورہ کیا۔ اس موقع پر جنرل راحیل شریف نے دہشت گردی کو ایک بین الاقوامی مسئلہ قرار دیتے ہوئے کہا کہ دہشت گردوں کا کوئی ملک اور مذہب نہیں ہوتا ہے۔

پاکستانی آرمی چیف نے دہشت گردوں کے خلاف مربوط عالمی رد عمل کی ضرورت پر بھی زور دیا۔ جنرل راحیل شریف نے پاکستان، سری لنکا اور مالدیپ کی مشترکہ مشقوں ایگل ڈیش ون کا بھی معائنہ کیا۔ دو ہفتوں تک جاری رہنے والی ان مشقوں کے دوران انسداد دہشت گردی آپریشن پر توجہ مرکوز کی گئی اور دہشت گردی کے خلاف تجربات ایک دوسرے سے شیئر کئے گئے۔