SAHAR

پاکستان تحریک انصاف کے سربراہ عمران خان نے ایک بار پھر وزیراعظم میاں نواز شریف کے استعفے کا مطالبہ کیا ہے۔

پناما لیکس کے معاملے میں نوازشریف کے خلاف کیس کی سماعت کے بعد تحریک انصاف کے سربراہ نے امید ظاہر کی کہ عدالت جلد اپنا فیصلہ سنادے گی۔
انہوں نے کہا کہ عدالت میں پیش کردہ دستاویزات اور پناما پیپرز دونوں سے ثابت ہوتا ہے کہ وزیراعظم میاں نواز شریف مالی بدعنوانیوں میں ملوث ہیں۔
عمران خان نے یہ بات زو دیکر کہی کہ اصولی اور اخلاقی طور پر وزیراعظم کو استعفی دینا چاہیے کیونکہ سپریم کورٹ میں ان کا احتساب ہورہا ہے۔
قابل ذکر ہے کہ پاکستان تحریک انصاف، جماعت اسلامی، عوامی مسلم لیگ، جمہوری وطن پارٹی اور طارق اسد ایڈووکیٹ نے پاناما لیکس کی تحقیقات کے لیے سپریم کورٹ میں آئینی درخواستیں دائر کر رکھی ہیں۔