کوئٹہ میں بدامنی کا سلسلہ جاری، دو پولیس اہلکار فائرنگ سے ہلاک
Jan ۱۷, ۲۰۱۷ ۱۵:۰۷ Asia/Tehran
نامعلوم مسلح افراد نے پاکستان کے صوبہ بلوچستان کے صدر مقام کوئٹہ میں فائرنگ کر کے دو پولیس اہلکاروں کو قتل کر دیا۔
پاکستانی میڈیا کے مطابق موٹر سائیکل پر سوار نامعلوم مسلح افراد ان پولیس اہلکاروں کو قتل کرنے کے بعد جائے وقوعہ سے فرار ہونے میں کامیاب ہو گئے۔ صوبہ بلوچستان کے وزیراعلی نواب ثناء اللہ زہری نے اس اقدام کی مذمت کرتے ہوئے کہا کہ جو لوگ اس صوبے میں بدامنی پھیلانا چاہتے ہیں انھیں گرفتار کر کے سخت سزا دی جائے گی۔ واضح رہے کہ صوبہ بلوچستان خاص طور پر کوئٹہ شہر ایک عرصے سے دہشت گردی کا شکار ہے اور اس علاقے میں لشکر جھنگوی سمیت کئی دہشت گرد گروہ سرگرم ہیں۔
