جنیوا؛ ایران امریکہ مذاکرات کا دوسرا دور ختم

Feb ۱۷, ۲۰۲۶ ۲۰:۴۵ Asia/Tehran

اسلامی جمہوریہ ایران اور امریکہ کے درمیان بالواسطہ مذاکرات کا دوسرا دور آج جنیوا میں عمان کی ثالثی میں منعقد ہوا ۔

سحرنیوز/ایران: جنیوا میں ایران اور امریکہ کے درمیان جوہری مذاکرات کا دوسرا دور تقریباً ساڑھے تین گھنٹے کی مشاورت کے بعد ختم ہو گیا۔ دوسرے دور کے مذاکرات میں ایران کےجوہری پروگرام کے بارے میں تفصیل سے جائزہ لیا گیا۔

مذاکرات کے اختتام پرایران کے وزیر خارجہ سید عباس عراقچی نے صحافیوں سے گفتگو کرتے ہوئے کہا کہ پہلے دور کے مذاکرات کی نسبت آج کے مذاکرات میں اچھی پیش رفت ہوئی ۔

ہمیں فالو کریں:

سید عباس عراقچی نے کہا کہ ہر چند کہ مذاکرات کا دوسرا دور آج ہوا تاہم کل بھی اس حوالے سے بین الاقوامی ایٹمی توانائی ایجنسی کے ڈائریکٹر جنرل رافیل گروسی سے تکنیکی پہلوؤں پر اچھی گفتگو ہوئی اور عمان کے وزیر خارجہ سے بھی تبادلہ خیال کیا گیا جس کے بعد انہوں نے امریکی وفد سے ملاقات کی۔