صیہونی حکومت کے غیرقانونی اقدامات کی مذمت

Feb ۱۷, ۲۰۲۶ ۲۰:۳۳ Asia/Tehran

آٹھ عرب اور اسلامی ممالک نے ایک بیان میں صیہونی حکومت کے ذریعے مغربی کنارے کے علاقوں پر قبضے کے اقدام کی شدید مذمت کی ہے۔

سحرنیوز/عالم اسلام: موصولہ خبروں کے مطابق پاکستان سمیت آٹھ عرب اور اسلامی ممالک نے ایک بیان جاری کیا ہے جس میں کہا گیا ہے کہ ہم تل ابیب کی جانب سے مغربی کنارے کی زمینوں پر قبضے کے فیصلے کی شدید مذمت کرتے ہیں۔ بیان میں کہا گیا ہے کہ ہم انیس سو سرسٹھ کے بعد پہلی بار مغربی کنارے کی زمینوں کی دستاویزی کارروائی شروع کرنے کے صیہونی حکومت کے اقدام کی مذمت کرتے ہیں۔

ہمیں فالو کریں:

بیان میں مزید کہا گیا ہے کہ صیہونی حکومت کا یہ اقدام غیر قانونی ہے جو خطرناک کشیدگی کا باعث بنے گا۔ اس کارروائی کا مقصد غیر قانونی بستیوں کی تعمیر اور فلسطینی اراضی پر قبضہ کرنے کے عمل کو تیز کرنا ہے۔ بیان میں کہا گیا ہے کہ یہ اقدام بین الاقوامی قوانین بالخصوص چوتھے جنیوا معاہدے اور مغربی کنارے کے حوالے سے سلامتی کونسل کی قراردادوں کی صریح خلاف ورزی ہے۔