پشاور: 2 خودکش جیکٹس برآمد
پاکستان کے شہرپشاورسے پولیس نے 2 خودکش جیکٹس برآمد کر لی تاہم کوئی گرفتاری عمل میں نہیں آئی۔
صوبہ خیبر پختونخوا کے دارالحکومت پشاور کے علاقے رنگ روڈ سے پولیس نے 2 خودکش جیکٹس آمد کرلیں، تاہم کوئی گرفتاری عمل میں نہیں آئی۔ دوسری جانب ڈان نیوزنے دعوی کیا ہے کہ پہاڑی پورا پولیس اسٹیشن کے ایک عہدیدار کا کہنا ہے کہ پولیس اہلکاروں نے خفیہ اطلاع ملنے پر موٹروے کے ساتھ واقع بینظیر ہسپتال کے قریب مسجد ابو بکر پر چھاپہ ماراجس کے دوران پولیس کو مسجد کے موذن کے کمرے سے 2 خودکش جیکٹس ملیں، جن میں 5 کلوگرام بارودی مواد موجود تھا۔ تاہم چھاپے کے وقت موذن اپنے کمرے میں موجود نہیں تھا۔
سینئر سپرنٹنڈنٹ پولیس (ایس ایس پی) آپریشنز سجاد خان کا کہنا تھا کہ خودکش جیکٹس ناکارہ بنا دی گئیں جبکہ دہشتگردوں کی تلاش میں سرچ آپریشن کا آغاز کردیا گیا ہے۔ ان کا کہنا تھا کہ پولیس کی بروقت کارروائی نے صوبائی دارالحکومت کو کسی ناخوشگوار واقعے سے بچا لیا۔
