SAHAR

پاکستان کی فوج نے اعلان کیا ہے کہ اس نے کشمیر کے علاقے میں پاکستانی فضائی حدود میں داخل ہونے والے ہندوستان کے ایک ڈرون طیارے کو مار گرایا ہے۔

اسلام آباد سے ایسو شیئیٹڈ پریس کی رپورٹ کے مطابق پاکستانی فوج کے ترجمان جنرل آصف غفور نے ایک بیان میں کہا ہے کہ ہندوستان کا یہ ڈرون طیارہ کشمیر کے علاقے میں جاسوسی کی پرواز پر تھا جسے پاکستان نے مار گرایا۔

پاکستانی فوج کے اس ترجمان نے یہ دعوی بھی کیا کہ پاکستانی فوجیوں نے ہندوستان کے اس ڈرون طیارے کا ملبہ بھی تلاش کر لیا۔

پاکستان کے اس دعوے پر ہندوستان کی جانب سے اب تک کسی قسم کا ردعمل کا اظہار نہیں کیا گیا ہے۔