حکومت رابطہ کرے یا نہ کرے دھرنا جاری رہے گا:پاکستان قومی اسمبلی میں اپوزیشن لیڈرکا بیان

Feb ۱۴, ۲۰۲۶ ۱۷:۲۶ Asia/Tehran

اسلام آباد میں پاکستان تحریکِ انصاف کا پارلیمنٹ میں دھرنا جاری ہے۔

سحرنیوز/پاکستان: قومی اسمبلی میں اپوزیشن لیڈر محمود اچکزئی نے کہا ہے کہ حکومت رابطہ کرے یا نہ کرے دھرنا جاری رہے گا، ہم یہاں بیٹھیں گے، مطالبات نہ مانے گئے تو رمضان میں بھی دھرنا جاری رہے گا۔محمود خان اچکزئی نے کہا کہ ہم یہاں بیٹھیں گے، ہم دھمکیاں دینے والے لوگ نہیں ہیں، اس پارلیمنٹ کی آزادی کے لیے ہم کسی حد تک بھی جائیں گے۔انہوں نے کہا کہ یہ لوگ اسمبلیوں سے استعفیٰ دیں تو کیا اتنی بڑی تعداد میں ضمنی انتخاب ہو سکے گا۔محمود اچکزئی نے کہا کہ مطالبات نہ مانے گئے تو رمضان میں بھی دھرنا جاری رہے گا۔

در این اثنا پولیس نے پارلیمنٹ کے باہر اپوزیشن اتحاد تحریکِ تحفظِ آئین پاکستان کے رہنما مصطفیٰ نواز کھوکھر کو روک لیا۔

ہمیں فالو کریں:

اس حوالے سے مصطفیٰ نواز کھوکھر کا کہنا ہے کہ اپوزیشن لیڈر اور ساتھی کل سے محبوس ہیں۔پارلیمان کے دروازوں پر تالے اور ایوان کی بے توقیری دیکھ کر افسوس ہوا۔