پاکستان میں چپ تعزئے کے جلوس
فرزند رسول امام حسن عسکری علیہ السلام کے یوم شہادت پر پاکستان میں مجالس وعزاداری کا سلسلہ جاری ہے۔
فرزند رسول حضرت امام حسن عسکری علیہ السلام کے یوم شہادت کی مناسبت سے پاکستان کے مختلف شہروں میں چپ تعزئے کےجلوس برآمد ہورہے ہیں۔ اس موقع پر حفاظت کے انتہائی سخت انتظامات کئے گئے ہیں اورپولیس اور رینجرز کے اہلکاروں کی بھاری نفری جلوس کے راستوں میں تعینات کی گئی ہے ۔
پاکستان میں ہر سال ایام عزا کے آخری دن کے جلوس برآمد کئے جاتے ہیں اسی مناسبت سےآج پاکستان کے سبھی چھوٹے بڑے شہروں میں مجالس غم برپا کی جارہی ہیں اور جلوسہائے عزا برآمد کئے جا رہے ہیں ۔ پاکستان کےسب سے بڑے شہر کراچی میں چپ تعزئے کا جلوس آج صبح برآمد ہواجو اپنے مقررہ راستوں سے ہوتا ہوا حسینیہ ایرانیان کھارا در پر اختتام پذیر ہوگا۔
ایام عزا کے آخری دن سید الشہدا کی عزاداری کا سلسلہ اپنے عروج پر پہنچ گیا ہے اور جہاں جہاں عاشقان اہلبیت مقیم ہیں وہاں سے یاحسین (ع) کی صدائیں مسلسل بلند ہورہی ہیں۔
