SAHAR

پاکستان کے وزیر داخلہ احسن اقبال ایک قاتلانہ حملے میں زخمی ہو گئے۔

پاکستان کے میڈیا ذرائع کے مطابق پاکستان کے وزیر داخلہ احسن اقبال پر مسلح شخص نے ایک میٹنگ کے دوران قریب سے فائرنگ کر دی جس میں وہ زخمی ہو گئے۔

رپورٹ میں بتایا گیا ہے کہ ان کے بازو پر گولی لگی ہے وہ زخمی ہوگئے ہیں تاہم ان کی حالت خطرے سے باہر بتائی گئی ہے۔

فائرنگ کا یہ واقعہ نارووال کے علاقے کنجروڑ میں پیش آیا جہاں وہ ایک میٹنگ میں شرکت کے لئے گئے ہوئے تھے۔ اکّیس سالہ حملہ آور کو گرفتار کر لیا گیا ہے اور اس سے تفتیش کی جا رہی ہے۔

پاکستان کے مختلف اعلی حکام منجملہ وزیر اعظم شاہد خاقان عباسی نے حملے کی مذمت کرتے ہوئے آئی جی پنجاب سے واقعے کی مکمل رپورٹ طلب کرلی ہے۔