پاکستان میں طالبان کے 4 دہشت گردگرفتار ایک ہلاک
Jul ۱۵, ۲۰۱۸ ۰۷:۴۴ Asia/Tehran
گلشن معمار سلفیہ کالونی میں کالعدم تنظیم سے تعلق رکھنے والے 4 دہشت گردوں کو رینجرز نے گرفتار کرلیا جب کہ ایک عمارت سے گر کر ہلاک ہو گیا۔
گلشن معمار سلفیہ کالونی میں کالعدم تنظیم سے تعلق رکھنے والے دہشت گردوں کی موجودگی کی اطلاع پرسندھ رینجرز اور اے وی سی سی پولیس نے چھاپہ مارا، ایک دہشت گرد مشرف محسود عرف سیف اللہ نے دوسری منزل کی چھت سے چھلانگ لگادی جس کے نتیجے میں وہ گر کر ہلاک ہوگیا۔
چھاپے میں طالبان کے 4 دہشت گردوں احمد نواز، محمدعزیز، محمد زعفران اور محمد نور کو گرفتار کیا گیا اور ان کے قبضے سے 3 کلو بارودی مواد، 2 دستی بم، پرائمر اور 2 رول ڈیٹونیٹنگ تار بھی برآمد کیے گئے۔
ترجمان سندھ رینجرز کے مطابق ہلاک اور گرفتار دہشتگروں کا تعلق کالعدم تنظیم تحریک طالبان پاکستان سے ہے۔
