SAHAR

سعودی عرب نے ٹی ٹوئنٹی ورلڈ کپ جیتنے پر پاکستانی ٹیم کو آئندہ برس حج پر شاہی مہمان بنانے کا اعلان کیا ہے۔

سحر نیوز/ پاکستان: پاکستانی ذرائع ابلاغ کے مطابق اسلام آباد میں تعینات سعودی عرب کے سفیر نے پاکستان کرکٹ ٹیم کے لئے نیک خواہشات کا اظہار کیا۔

سعودی عرب کے سفیر نواف بن سعید احمد المالکی نے ٹی ٹوئنٹی ورلڈ کپ جیتنے پر پاکستانی ٹیم کو آئندہ برس حج پر شاہی مہمان بنانے کا اعلان کیا ہے۔

نواف بن سعید احمد المالکی کا کہنا ہے کہ پاکستانی کرکٹ ٹیم کے بھائیوں کے لئے میرا پیغام ہے کہ انشاء اللہ آپ یہ ٹورنامنٹ جیتیں گے۔

سعودی عرب کے سفیر نے کہا کہ پاکستانی عوام یقیناً ورلڈ کپ میں قومی ٹیم کی کامیابی کا جشن منائے گی، پاکستان کی خوشحالی اور ترقی کے لئے بھی دعا گو ہیں۔