SAHAR

ایران کی وزارت سیاحت نے کہا ہے کہ گذشتہ دس مہینےکے دوران آٹھ ملین غیرملکی سیاحوں نے ایران کی سیر کی ہے

ایران کے وزیرسیاحت علی اصغرمونسان نے اس بات کا ذکر کرتے ہوئے کہ اس وقت سیاحت کی صنعت میں ایران کا حصہ گیارہ ارب سات سو ملین ڈالر ہے کہا کہ سیاحت کی صنعت میں انجام پانے والی منصوبہ بندی کے پیش نظر اس سے ہونے والی آمدنی میں کافی اضافہ ہو سکتا ہے۔

علی اصغر مونسان نے چین میں کورونا وائرس پھیلنے کے ساتھ ہی غیرملکی سیاحوں کی ایران آمد میں کمی کی جانب اشارہ کرتے ہوئے کہا کہ سیاحت کے شعبے میں ایرانی سیاحوں کی تعداد اس حد تک ہے کہ غیرملکی سیاحوں کی آمد میں کمی سے اس صنعت کو کوئی خاص نقصان نہیں ہوگا ۔

ایران سیاحت کے لحاظ سے دنیا کے دس پرکشش ممالک میں شامل ہے ۔