سری لنکا کی کرکٹ ٹیم، انڈر نائنٹین ورلڈ کپ کے سیمی فائنل میں پہنچ گئی
سری لنکا کی کرکٹ ٹیم، انگلینڈ کو چھ وکٹوں سے شکست دے کر انڈر نائنٹین ورلڈ کپ کے سیمی فائنل میں پہنچ گئی ہے۔
سحر عالمی نیٹ ورک کی اسپورٹس ڈیسک کے مطابق میرپور کے شیر بنگلہ اسٹیڈیم میں کھیلے گئے کوارٹر فائنل میچ میں انگلینڈ نے ٹاس جیت کر پہلے بیٹنگ کا فیصلہ کیا مگر انگلینڈ کا کوئی بھی کھلاڑی سری لنکا کے باولروں کا مقابلہ نہیں کرسکا ۔ انگلینڈ کی پوری ٹیم آخری اوور میں ایک سو چوراسی رن بنا کر آوٹ ہو گئی۔
سری لنکا کی ٹیم نے مذکورہ ہدف چھتیس اوور میں چار وکٹ پر حاصل کر کے انڈر نائنٹین ورلڈ کپ کے سیمی فائنل میں جگہ بنا لی۔
ہندوستان پہلے ہی سیمی فائنل میں پہنچ چکا ہے ۔ پیر کو پاکستان کا مقابلہ ویسٹ انڈیز سے ہوگا اور کامیاب ہونے والی ٹیم سیمی فائنل میں پہنچنے کی حقدار ہوگی ۔ نیپال اور بنگلہ دیش کی ٹیمیں بھی سیمی فائنل میں پہنچنے کے لیے ایک دوسرے کے آمنے سامنے ہوں گی۔
