SAHAR

اسلامی جمہوریہ ایران کی والی بال ٹیم نے دو ہزار سولہ کے عالمی لیگ مقابلوں میں صربیہ کی ٹیم کو شکست دے دی۔

ایران کی والی بال ٹیم کا عالمی لیگ مقابلوں کے سلسلے میں پہلا میچ صربیہ کی ٹیم سے ہوا جس میں اس نے ایک دلچسپ اور زبردست مقابلے کے بعد تین دو سے فتح حاصل کی۔ تہران کے آزادی اسٹیڈیم میں ہونے والے اس میچ میں پہلا اور دوسرا سیٹ صربیہ کی ٹیم نے 25- 18 اور 25- 22 سے جیت لیا لیکن ایران کی ٹیم نے کھیل میں شاندار واپسی کرتے ہوئے تیسرا اور چوتھا سیٹ 25-22 اور 25-23 سے جیت لیا۔ پانچویں اور آخری سیٹ میں ایران کی والی بال ٹیم نے ایک زبردست مقابلے کے بعد صربیہ کی ٹیم کو 16-14 سے شکست دے دی اور اس طرح اس نے یہ میچ تین دو سے جیت لیا۔