SAHAR

ایران کی جونیئر والی بال ٹیم جاپان کو شکست دیکر ایشیا کپ کے فائنل میں پہنچ گئی ہے۔

ایران کی جونیئر والی بال ٹیم نے ہفتے کے روز تائیوان میں کھیلے گئے سیمی فائنل میچ میں جاپان کو تین ایک سے شکست دے دی۔ اس فتح کے بعد ایران کی ٹیم دو ہزار سترہ کے عالمی والی بال مقابلے میں بھی شرکت کی حقدار بن گئی ہے۔

ایران کی جونیئر والی بال ٹیم اتوار کو ہونے والے ایشیاکپ کے فائنل میچ میں چین یا جنوبی کوریا کا مقابلہ کر ے گی۔

ایران کی جونیئر والی بال ٹیم اس سے پہلے ترکمنستان، قطر، ہانگ کانگ سری لنکا ، جنوبی کوریا اور قزاقستان کو بھی شکست دے چکی ہے۔

قابل ذکر ہے کہ والی بال کے انڈر ٹوئنٹی ایشیائی مقابلے جو نو جولائی سے تائیوان میں شروع ہوئے ہیں سترہ جولائی تک جاری رہیں گے۔