اسکی کے مقابلوں میں ایران کے 4 میڈل
Dec ۲۲, ۲۰۲۱ ۱۲:۰۴ Asia/Tehran
ایرانی کھلاڑیوں نےاسکی کے مقابلوں میں اعلی کارکردگی کا مظاہرہ کرتے ہوئے 4 میڈل حاصل کئے۔
ہمارے نمائندے کی رپورٹ کے مطابق ترکی میں پالان ڈوکن ایرزورم اسکی ریزورٹ کی میزبانی میں منعقدہ بین الاقوامی اسکی مقابلوں کے پہلے دن ایران سے "عاطفہ احمدی" اور "فروغ عباسی" نے خواتین کے چھوٹے سرپل سیکشن میں بالترتیب دوسری اور تیسری پوزیشن حاصل کی جبکہ اس سیکشن میں ایک ترک کھلاڑی نے پہلی پوزیشن حاصل کی۔
مردوں کے چھوٹے سرپل سیکشن میں ایران سے "حسین ساوہ شمشکی" چیمپئن بنے اور "نیما بہا" تیسرے نمبر پر رہے۔
واضح رہے کہ بین الاقوامی اسکی مقابلے ترکی میں پالان ڈوکن ایرزورم اسکی ریزورٹ میں منعقد ہور رہے ہیں۔
