SAHAR

فٹبال کے عالمی کپ میں شرکت کے لئے ایران کی قومی فٹبال ٹیم کو ایک پروقار تقریب کے بعد رخصت کیا گیا

تہران میں ہونے والی اس خصوصی تقریب کے دوران، مسلط کردہ جنگ کے دوران جام شہادت نوش کرنے والے شہید خالقی فر کی والدہ نے فٹبال کی قومی ٹیم کے کھلاڑیوں کی کامیابی کے لئے دعا کی ۔ ایران کی قومی فٹبال ٹیم کی جانب سے بھی انہیں یادگار کے طور پر نیشنل ٹیم کا لباس پیش کیا گیا ۔ قومی فٹبال ٹیم کے کھلاڑیوں اور کوچز نے دوحہ فٹبال ورلڈ کپ کے لئے روانہ ہونے سے قبل صدر مملکت سید ابراہیم رئیسی سے بھی ملاقات کی۔ 
واضح رہے کہ قطر فٹبال ورلڈ کپ دو ہزار بائیس کے دوران ایران کی قومی ٹیم گروپ بی میں انگلینڈ، ویلز اور امریکہ کے ساتھ ہے اور ایران کا پہلا میچ اکیس نومبر کو انگلینڈ کے ساتھ طے ہے۔