SAHAR

ایران کی فری اسٹائل کشتی کی قومی ٹیم کے پہلوان نے عالمی رینکنگ میں پہلی پوزیشن حاصل کرلی۔

سحر نیوز/ ایران: کشتی کی عالمی فیڈریشن فیلا کی جانب سے جاری شدہ تازہ ترین رینکنگ میں ایرانی پہلوان اور پینسٹھ کلوگرام کے چمپین رحمان عموزاد کا نام سر فہرست قرار دیا گیا ہے۔ فیلا نے اس سے قبل رحمان عموزاد کو سن دو ہزار بائیس کے فری اسٹائل کشتی کا بہترین کھلاڑی قرار دیا تھا۔ 

یاد رہے کہ سن دو ہزار اکیس میں ایرانی پہلوان کامران قاسم پور نے اس فہرست کی دوسری پوزیشن جبکہ رضا اطری نے دو ہزار بائیس میں فیلا کی فہرست میں تیسری پوزیشن حاصل کی تھی ۔ اس سال ایرانی کھلاڑی حسن یزدانی کا نام امریکی چمپین ڈیوڈ ٹیلر سے اوپر چوتھی پوزیشن پر دکھائی دے رہا ہے۔