ہینگزو ایشین گیمز میں ایران کیلئے ایک اورتمغہ
Oct ۰۱, ۲۰۲۳ ۱۶:۵۱ Asia/Tehran
ہینگزو ایشین گیمز میں خواتین کے ستر کلو گرام سے کم وزن کے کوراش مقابلوں کے فائنل میں ایران کی خاتون کھلاڑی دنیا آقائی نے دوسرا مقام اور چاندی کا تمغہ حاصل کیا۔
سحر نیوز/ ایران: ہینگزو ایشین گیمز میں خواتین کے ستر کلو گرام سے کم وزن کے کوراش مقابلوں کے فائنل میں ایران کی خاتون کھلاڑی دنیا آقائی کا مقابلہ چین کی کھلاڑی دان یو سے ہوا تاہم وہ اپنی چینی حریف کو شکست نہ دے سکیں اور دوسرا مقام اور چاندی کا تمغہ حاصل کیا۔
دوسری جانب ٹیبل ٹینس کے ڈبلز کے مقابلوں میں بھی ایران کی ٹیم نے، چینی حریف سے شکست کے بعد ہینگزو ایشین گیمز میں کانسی کا تمغہ حاصل کیا۔ سیمی فائنل اتوار کو ہوا جس میں چینی ٹیم نے لگاتار چار سیٹ گیارہ چار، گیارہ تین، گیارہ تین اور گیارہ چھے سے جیتے۔
