SAHAR

سیکڑوں غیرقانونی تارکین وطن کو بحیرہ روم میں ڈوبنے سے بچالیاگیا

شین ہوا نیوز ایجنسی کی رپورٹ کے مطابق یورپ کی سمت جانے کی کوشش کرنے والے تقریبا چھ سو غیر قانونی تارکین وطن کو اٹلی کی بحریہ نے کوسٹ گارڈ کے تعاون سے لیبیا کے نزدیک بحیرہ روم میں ڈوبنے سے بچا لیا-

 اس رپورٹ کے مطابق ایک کشتی جس میں ایک سو بارہ افراد سوار تھے لیبیا سے پچاس کیلو میٹر کے فاصلے پر فنی خرابی سے دوچار ہوگئی تھی ۔اسی طرح دو اور کشتیوں کو بھی جن میں ایک سو نو اور ایک سو بیس غیر قانونی تارکین وطن سوار تھے ،اٹلی کی بحریہ نے لیبیا اور اٹلی کے درمیان میں واقع سسلی کینال میں روک لیا

واضح رہے کہ دوہزار پندرہ سے اب تک ایک لاکھ گیارہ ہزار تین سو غیر قانونی تارکین وطن افریقہ اور مشرق وسطی سے اٹلی میں داخل ہوئے ہیں- یورپ کی جانب غیر قانونی تارکین کی ہجرت کا مسئلہ، یورپی ملکوں کے لئے ایک اہم چیلنج میں تبدیل ہوگیا ہے-