ہندوستان میں اقلیتوں کے اسکولی بچوں کی صورتحال تشویشناک ہے : آل انڈیا مجلس اتحاد المسلمین کے سربراہ

Feb ۱۱, ۲۰۲۶ ۲۰:۰۹ Asia/Tehran

ہندوستان کی سیاسی جماعت آل انڈیا مجلس اتحاد المسلمین کے سربراہ اسد الدین اویسی نے اقلیتوں کے اسکولی بچوں کی صورتحال پراظہار تشویش کیاہے۔

سحرنیوز/ہندوستان: ہندوستانی رکن پارلیمنٹ اور اے آئی ایم آئی ایم کے سربراہ اسد الدین اویسی نے کہا کہ اقلیتوں کے بچوں میں اسکول چھوڑنے کی شرح تیزی سے بڑھ رہی ہے۔ انہوں نے مزید کہا کہ آسام میں تعلیم چھوڑنے والے اقلیتی بچوں کی شرح تیس فیصد اور مغربی بنگال میں چالیس فیصد ہو گئی ہے۔

ہمیں فالو کریں:

اسد الدین اویسی نے اقلیتی امور کے لیے بجٹ میں اضافے کا مطالبہ کرتے ہوئے اس شعبے کے لئے کم از کم دس ہزار کروڑ روپے مختص کرنے کا مطالبہ کیا۔ انہوں نے مرکزی بی جے پی حکومت کو سخت ہدف تنقید بناتے ہوئے کہا کہ اس حکومت کے آنے کے بعد سے ملک بہت کمزور ہو گیا ہے، پہلے نوجوان فوج میں جاتے تھے لیکن اب حالت یہ ہے کہ فوج میں بھرتیاں نہیں ہو رہی ہیں۔ سربراہ اے آئی ایم آئی ایم نے فوج میں بھرتی کے لیے اگنی ویر اسکیم پر نظرِ ثانی کا مطالبہ کیا۔