SAHAR

اردن کے ایک فوجی مرکز میں ایک پولیس افسر نے دو امریکی فوجیوں کو گولی مار کے ہلاک کر دیا۔

ارنا کے مطابق امان میں امریکی سفارت خانے نے اعلان کیا ہے کہ ایک فوجی اڈے میں ارد ن کے ایک پولیس افسرنے فائرنگ کر کے دو امریکی فوجیوں کو ہلاک کرنے کے بعد خودکشی کر لی۔

الجزیرہ نے بتایا ہے کہ فائرنگ کے اس واقعے میں مجموعی طور پر چار افراد ہلاک اور چھے زخمی ہوئے ہیں۔ بتایا گیا ہے کہ فائرنگ کیپٹن رینک کے ایک پولیس افسر نے کی تھی۔ رپورٹوں میں فائرنگ کی وجہ نہیں بتائی گئی ہے۔