جرمنی میں ٹرین حادثہ، ڈیڑھ سو افراد ہلاک و زخمی
Feb ۰۹, ۲۰۱۶ ۱۶:۴۸ Asia/Tehran
جرمنی میں ٹرین کے ایک حادثے میں کم سے کم ایک سو پچاس سے زائد افراد ہلاک و زخمی ہو گئے۔
یہ حادثہ منگل کی صبح جنوب مشرقی میونخ میں ساٹھ کلو میٹر کے فاصلے پر واقع شہر باد آئیبلنگ میں پیش آیا۔ اس سے قبل بعض جرمن ذرائع نے صرف آٹھ افراد کےہلاک ہو جانے کی خبر دی تھی تاہم پولیس نے چار افراد کےہلاک ہونےکی تصدیق کی ہے۔ ایک سو پچاس افراد زخمی بتائے جاتے ہیں۔ کہا جا رہا ہے کہ یہ حادثہ دو ٹرینوں کے آپس میں ٹکرانے کے نتیجے میں پیش آیا۔
جرمن ذرائع کا کہنا ہے کہ ایک ٹرین پٹری سے اتر گئی جس کے نتیجے میں کئی بوگیاں الٹ گئیں۔ تاحال حادثے کی وجہ معلوم نہیں ہو سکی ہے۔
