جرمنی: مشہور شاپنگ مال میں فائرنگ سے پندرہ افراد ہلاک اور متعدد زخمی
جرمنی کے شہر میونخ کے ایک مشہور شاپنگ مال میں فائرنگ سے پندرہ افراد ہلاک اور متعدد زخمی ہوگئے
میونخ کی پولیس کا کہنا ہے کہ مسلح افراد نے میونخ کے مشہوراولمپیا شاپنگ مال میں داخل ہوکرفائرنگ کردی جس سے ہرطرف افراتفری پھیل گئی، اس بھگدڑمیں بھی کئی افراد زخمی ہو گئے۔ جب فائرنگ کی گئی تو اس وقت شاپنگ مال میں خواتین اور بچوں کی بھی بہت بڑی تعداد موجود تھی۔
جرمن پولیس کے مطابق متعدد افراد زخمی ہیں جن میں عورتیں اور بچے بھی شامل ہیں۔
اس واقعہ کے بعد شاپنگ سینٹر کو خالی کرا کر آپریشن شروع کر دیا گیا۔ جبکہ جرمن پولیس نے پورے علاقے کو گھیرے میں لے کر سرچ آپریشن شروع کر دیا ہے تاہم ابھی تک کسی گرفتاری کی اطلاع نہیں ہے.
جرمن میڈیا کے مطابق شاپنگ مال سے فائرنگ کی مسلسل آوازیں آرہی ہیں۔ جرمن پولیس نے لوگوں کو گھروں میں ہی رہنے کی ہدایت کی ہے۔ میڈیا رپورٹس کے مطابق پولیس نے اردگرد کی تمام عمارتوں کو بھی خالی کرا لیا ہے۔
