SAHAR

نئے عیسوی سال کی آمد کے موقع پر امریکی ریاست نیویارک میں سیکورٹی کے سخت انتظامات کئے گئے ہیں-

 رپورٹ کے مطابق نیویارک کی پولیس نے نوئل مارکٹوں میں سیکورٹی کے سخت انتظامات کئے ہیں اور شہریوں سے کہا ہے کہ وہ سیکورٹی تدابیر کی رعایت کریں-

نیویارک کی مارکیٹوں کے داخلی راستوں پر پولیس تعینات کر دی گئی ہے تاکہ مشتبہ گاڑیوں کو بازاروں میں داخل ہونے سے روکا جاسکے- نیویارک میں سیکورٹی کے انتہائی سخت انتظامات، برلن کے ایک بازار میں حال ہی میں ہونے والے حملے کے بعد اور نئے سال کی چھٹیوں کے موقع پر کئے گئے ہیں-

واضح رہے کہ پیر کے روز برلن کے کرسمس بازار میں ایک دہشت گردانہ کاروائی میں بارہ افراد ہلاک اور اڑتالیس دیگر زخمی ہو گئے تھے-