سری لنکا میں پارلیمنٹ معطل
Apr ۱۳, ۲۰۱۸ ۱۰:۲۸ Asia/Tehran
سری لنکا کے صدر میتھری پالا سری سینا نے غیر متوقع طور پر پارلیمنٹ کو ایک مہینے کے لیے معطل کردیا ہے۔
غیر ملکی میڈیا کے مطابق سری لنکا کے صدر میتھری پالا سری سینا نے کی جانب سے یہ اقدام ان کے اور ان کی اتحادی حکومت کے وزیراعظم کے درمیان اقتدار کی جنگ کے بعد سامنے آیا۔
اطلاعات کے مطابق حکومتی حکم نامے میں میتھری پالا سری سینا کا حوالہ دیتے ہوئے کہا گیا کہ ملک کے آئین کے آرٹیکل - 70 کے تحت صدر نے پارلیمنٹ کو معطل کردیا ہے جس کا اطلاق 12 اپریل کی رات سے ہوگا۔
واضح رہے کہ حالیہ ہفتوں میں میتھری پالا سری سینا نے وزیر اعظم رانِل وِکریماسنگھے کی ذمہ داریاں کم کرتے ہوئے ان سے ملک کے مرکزی بینک، پالیسیاں مرتب کرنے والے نیشنل آپریشنز اور کئی دیگر اداروں سے متعلق فیصلے کرنے کا اختیار واپس لے لیا تھا۔
